एनआईसी एसिया बैँकको शाखा कार्यालयमा राखिएको बम डिस्पोज

सप्तरी, पुस २९ – एनआईसी एसिया बैँकको शाखा कार्यालयमा राखिएको बम नेपाली सेनाले डिस्पोज गरेको छ । सप्तरीको राजविराज–८ स्थित शाखा कार्यालयमा मंगलबार दिउँसो राखिएको बम नेपाली सेनाले डिस्पोज गरेको हो ।

कार्यालय भवनको दोस्रो तला जाने भर्‍याङको बीचमा बेवारिसे अबस्थामा भेटिएको बस्तु बम भएको आशंकामा बैंकका कर्मचारीले प्रहरीलाई खबर गरेका थिए ।

कार्टुनमा प्लाष्टिकले बेरेर राखिएको अबस्थामा बम फेला परेको सप्तरी प्रहरीले जनाएको छ । बम कसले राख्यो भन्नेबारे अनुसन्धान भैरहेको प्रहरीले जनाएको छ ।