कर्णाली जलविद्युत् आयोजना निर्माणका लागी फेरी म्याद थपको माग

काठमाण्डौं– बहुचर्चित माथिल्लो कर्णाली जलविद्युत् आयोजना निर्माणको जिम्मा पाएको जिएमआरले फेरी म्याद थपका लागि लगानी बोर्डमा आवेदन दिएको छ।

आगामी असोज ३ भित्र लगानी जुटाउन नसक्ने भएपछि म्याद थपका लागि बोर्डमा आवेदन दिएको हो।

उसले दिएको निवेदन आगामी बोर्ड बैठकमा पेस हुने र बैठकले उचित निर्णय गर्ने बताइएको छ ।

बोर्डको बैठक यही महिनाभित्रै बस्ने तयारी छ ।

करिब चार वर्ष हुँदा पनि जिएमआरले नौ सय मेगावाटको माथिल्लो कर्णाली बनाउन लगानी जुटाउन सकेको छैन ।

आगामी असोज ३ गते उसले लगानी जुटाउन पाएको थप समय सकिँदैछ।

बोर्डसँग भएको आयोजना विकास सम्झौता (पिडिए) अनुसार जिएमआरले आगामी सन् २०२१ को अन्त्यमा सम्पन्न गरी सन् २०४६ मा सरकारलाई हस्तान्तरण गर्नुपर्ने हुन्छ।

– नागरीक