कोरिया जाने कामदारको लागत शुल्क घट्यो

काठमाण्डौँ – रोजगार अनुमति प्रणाली (ईपीएस) अन्तर्गत दक्षिण कोरिया जाने युवाले बेहोर्दै आएको लागत शुल्क घटेको छ ।
सरकारले ईपीएसअन्तर्गत कोरिया जाने युवाले तिर्दै आएको हवाई भाडा घटाएपछि दक्षिण कोरिया जाने नेपाली युवाको लागत शुल्क घटेको ईपीएस कोरिया शाखाका निर्देशक कृष्णप्रसाद खनालले बताए ।

उनले कोरिया जाने कामदारको हवाई भाडा प्रतियात्रु १ सय १८ डलर अर्थात करिब १३ हजार रुपैयाका दरले घटेको जनाउँदै लागत शुल्क पनि घटेको बताए ।

सोमबार राजधानी आयोजित पत्रकार सम्मेलनमा नेपालबाट कोरिया जानका लागि प्रत्येक नेपाली कामदारले हवाई भाडामार्पmत तिर्दै आएको ५ सय ३० अमेरिकी डलरबाट २३ प्रतिशत घटाएर ४ सय ११ डलर कायम गरेको निर्देशक खनालले बताए ।

शाखाका सूचना अधिकृत शोभाकर भण्डारीका अनुसार हवाई भाडा घटाइएपछि अब कामदारले ८ सय १३ डलरमात्र बुझाए पुग्नेछ ।

– कारोबार