चिया प्रशोधन उद्योग वृद्धि

काठमाण्डौँ — पछिल्लो समय सरकारी तथा गैर–सरकारी क्षेत्रबाट राम्रो सहयोग पाउन थालेपछि इलाम जिल्लामा चिया प्रशोधन कारखाना स्थापना हुन थालेका छन् ।

ठूला उद्योगले हरियो चियाको मूल्य उचित मूल्य नदिएका कारण विभिन्न सङ्घ÷संस्थाको आर्थिक सहयोगमा यस्ता उद्योग स्थापना भएका हुन् ।

चिया उत्पादन मात्र गर्नुभन्दा प्रशोधन समेत गरेको चियाको उचित मूल्य पाइने भएकाले जिल्लामा प्रशोधन केन्द्र स्थापना हुन थालेको केन्द्रीय चिया सहकारी सङ्घका महासचिव रवीन राईको भनाइ छ ।

जिल्लामा आठ उद्योगमध्ये साउनयता मात्रै सहकारीमार्फत चार प्रशोधन उद्योग स्थापना भएका छन् ।

निजी कम्पनीका रुपमा मात्र स्थापना हुने चिया प्रशोधन केन्द्रसमेत पछिल्लो समय सहकारीमार्फत सञ्चालन हुन थालेका जिल्ला चिया उत्पादक सहकारी संस्थाका सचिव बेदनिधि पोख्रेलले बताए ।
— कारोबार