जगदम्बा मोटर्सको ‘टीभीएस सुपर एक्सेञ्ज फाइनान्स फेयर’

काठमाडौं, कार्तिक ६ – नेपालको लागि टीभीएस टू ह्वीलर्सको आधिकारिक वितरक जगदम्बा मोटर्सले एक भव्य फाइनान्स मेला ‘टीभीएस एक्सेञ्ज एण्ड फाइनान्स फेयर’को आयोजना गरेको छ । उक्त मेलाको उद्घाटन नेपाली क्रिकेट टिमका पूर्व कप्तान पारस खड्काले गरेका थिए ।

यही कार्तिक १ गतेदेखि ५ गतेसम्म भृकुटीमण्डप, काठमाडौंमा संचालन हुने यो मेलाको प्रमुख आकर्षण नै ग्राहकहरुले ३० प्रतिशत डाउन पेमेन्टको उत्कृष्ट फाइनान्स सुविधा, एक्स्चेञ्जमा थप १० हजार रुपैयाँ मुल्याँकन जस्ता उत्कृष्ट अफर छन् । मेलाको अन्य आकर्षणमा शुन्य प्रतिशत ब्याजमा विशेष फाइनान्स योजना र साथमा विभिन्न उपहारहरु हेलमेट, बाइक कभर र ब्याग पनि रहेका छन् ।

कुनै पनि पुरानो मोटरसाइकल वा स्कूटरको बदलामा टिभिएस को नयाँ मोटरसाइकल वा स्कुटर साट्न सकिनेछ । यो अनुपम योजनाले टीभीएससँग नाता जोड्न चाहने नयाँ ग्राहकलाई सुनौलो अवसर प्रदान गरेको छ भने पुराना टीभीएस ग्राहकले आफ्नो बाइकको स्तरोन्नति गर्ने मौका पाएका छन् ।

योजना संचालन गर्नुको उद्देश्य माथि प्रकाश पार्दै जगदम्बा मोटर्सका प्रबन्ध निर्देशक शाहिल अग्रवालले भने, ‘हामीले यतिखेर ग्राहकहरुमाझ टिभिएस दशैंको दौड जस्तो पहिले नभएको विशेष अफर पेश गरिरहेका छौं । यो योजना प्रति ग्राहकको झुकावले हामीलाई थप हौसला पनि मिलेको छ । यसै सिलसिलामा सोही अफरकै एक हिस्सा स्वरुप यो एक्स्चेञ्ज फेयर आयोजना गरेका छौं । यो फेयरले ग्राहकलाई टीभीएससँग अझ नजिक बनाउने विश्वास हाम्रो रहेको छ ।’

ग्राहकले ‘टीभीएस दशैंको दौड’ योजना अन्तर्गत बाइक नकिन्दा नै एक रुपैयाँ लाखसम्म नगद जित्न सक्नेछन् भने किन्दा सतप्र्रतिशत नै नगद फिर्ता पाउन पनि सक्नेछन् । साथमा अन्य आकर्षक उपहारहरु पनि यस योजनामा प्राप्त गर्न सकिन्छ ।

टीभीएसले निरन्तर रुपमा आफ्ना ग्राहकहरुलाई पैसाको उत्कृष्ट मुल्य र सेवाहरु जस्तैंः पाँच बर्षको वारेन्टी, स्थलगत एक्स्चेञ्ज, स्थलगत फाइनान्स र अन्य धेरै सुविधा प्रदान गर्दै आएको छ । देशभर एक सय भन्दा बढी डिलरको सञ्जालमार्फत् आफ्ना ग्राहकको मुहारमा मुस्कान फैलाउन टीभीएसले आफ्ना दक्ष र तालिम प्राप्त जनशक्ति परिचालन गर्दै आएको छ ।