टिवानको अध्यक्षमा ईश्वर शर्मा विजयी, सातै प्रदेशमा टुरिष्ट बस पुर्याउने लक्ष्य

काठमाडौं,माघ १०- टुरिष्ट बस एसोसियन अफ नेपाल (टिवान)को आसन्न निर्वाचनले ईश्वर शर्माको अध्यक्षतामा नयाँ कार्यसमिती चयन गरेको छ ।

आज काठमाडौँमा सर्वसहमतमा भएको निर्वाचनमा अध्यक्ष पदमा ईश्वर शर्मा विजयी भएका छन् ।
त्यसै गरी अन्य निर्वाचित पधादिकारीमा प्रथम उपाध्यक्षमा ढकनाथ काफ्ले, द्धितिय उपाध्यक्ष सुशिल दाहाल, महासचिव दिपेन्द्र अधिकारी, कोषाध्यक्ष सुजन आचार्य, सदस्य चिरिञ्जनी रेग्मी, असोक अर्याल रहेका छन् ।

निर्वाचित अध्यक्ष शर्माले टुरिष्ट बस ट्रमिनललाई पुर्ण रुप दिने र सातै प्रदेशमा टुरिष्ट बसलाई पुर्याउने लक्ष्य लिएको बताएका छन् ।

उनले अन्तराष्ट्रिय बजारमा टिवानको पहिचान र सरकारले तय गरेको भ्रमण वर्ष २०२० लाई सफल बनाउन कुनै कसर बाँकी नराख्ने प्रतिबद्धता समेत व्यक्त गरेका छन् ।