निर्मल शर्मा निर्देशित “एउटा सपना”को भिडियो सार्वजनिक

काठमाण्डौं-चर्चित निर्माता, निर्देशक तथा कलाकार निर्मल शर्मा (गैँडा) द्वारा निर्देशित “एउटा सपना”बोलको गीतको म्युजिक भिडियो सार्वजनिक भएको छ । लकडाउनको समय भएका कारण कुनै सार्वजनिक कार्यक्रम गरी भिडियो रिलिज तथा अन्य कार्य गर्न नमिल्ने भएका कारण डिजिटल माध्यमबाट रिलिज गरिएको कुरा निर्देशक तथा कलाकार शर्माले कर्पोरट खबरलाई बताए। भिडियोमा वरिष्ठ कलाकार कमलकान्तको दमदार अभिनय हेर्न पाईन्छ । भिडियोमा उनले आफ्नो मायालुसंग बिताएका बिगतका पलहरुलाई सम्झिदै कसरी जिवन बिताईरहेका छन भन्ने देखाउन खोजिएको छ । अभिनयमा उनलाई अभिनेत्री रजनी के सी र कलाकार अशिम पौडेलले साथ दिएका छन । भिडियोलाई वरिष्ठ सिनेम्याटोग्राफर राजु के सी ले निकै नै आकर्षक तरिकाले छांयाकन गरेका छन भने सम्पादनको कार्य गौतम राज खड्काले गरेका हुन । भिडियो ओएसआर डिजिटको युटुब च्यानलबाट रिलिज गरिएको छ ।

निकै नै भावुक शैलीमा प्रस्तुत उक्त गीतमा गायक उत्सव कान्त मैनालीको सुमधुर स्वर सुन्न पाईन्छ । गीतको शब्द रमेश सुवेदीले लेखेका छन भने संगीत रोशन राज गुरुङको रहेको छ । गीतलाई कुमार थापाले एरेन्ज गरेका हुन भने मनोज परियारले रेकर्डिङ तथा मिक्सिङको कार्य गरेका हुन ।