बोलेरो जिप दुर्घटना हुँदा एक पुरुषको मृत्यु, चालक गम्भीर

अन्जनराज न्यौपाने,

तनहुँ, भाद्र २२ – तनहुँमा बोलेरो जिप दुर्घटना हुदा एक पुरुषको मृत्यु भएको छ।मृत्युहुनेमा ब्यास-५ चापाघाट बस्ने बर्ष ५५का राजकुमार श्रेष्ठ रहेका छन्।

ऋषिङ गाँउपालिका-१ स्थित खाल्टे देउली खोला भन्ने स्थानमा सोमबार विहान १०:३० वजेको समयमा ग१ ज ७१२८ नम्बरको बोलेरो जिप अचानक आफै अनियन्त्रित भै सडकबाट ७० फिट तल खोल्सामा खसेको थियो । उक्त जीपमा सवार ८जना घाईते भएका छन्। ३२ बर्सिय सवारीचालक होमबहादुर श्रेष्ठ भने गम्भीर घाइते भएका छन्।

घाइतेहरुको जिल्ला स्थित रत्नहरि अस्पताल ,समाधान अस्पताल र जिल्ला अस्पताल दमौलीमा उपचार भैरहेको छ भने घाइते मध्ये बर्ष-५१ को रामकुमार श्रेष्ठ र बर्ष-३४ कि संगीता श्रेष्ठलाई थप उपचारकालागि पोखरा स्थित गण्डकी मेडिकल कलेजमा पठाईएको जिल्ला ट्राफिक प्रहरी कार्यालय तनहुँका सुचना अधिकारी प्रहरी सहायक निरिक्षक मेघनाथ पौडेलले जानकारी दिए।