मुस्ताङमा ढुवानी ठप्प हुदाँ पेट्रोलियम पदार्थको अभाव

मुस्ताङमा पेट्रोल र डिजलको ढुवानी ठप्प भएपछि संञ्चालनमा रहेका सवारी साधनको सेवा प्रवाहमा समस्यामा

साउन १० – हिमाली जिल्ला मुस्ताङमा ढुवानी ठप्प हुदाँ पेट्रोलियम पदार्थको हाहाकार मच्चिएको छ। जिल्ला भित्र व्यारेलमा संञ्चित गरी राखिएको इन्धन सकिएपछि पेट्रोलियम पदार्थको अभाव भएको हो।

राष्ट्रिय गौरवको निर्माणधिन ७६ किलोमिटर बेनी—जोमसोम सडकको दर्जनौं स्थानमा बाढीरपहिरो र नदी कटानका कारण पेट्रोलिय पदार्थ ढुवानी रोकिएसँगै मुस्ताङमा इन्धन र खाना पकाउने एलपी ग्यासको चरम अभाव देखिएको हो।
अविरल वर्षाका कारण गत असार २८ गते म्याग्दीको रघुगंगा गाउँपालिकाको गलेश्वरमा बेनी—जोमसोम जोड्ने अस्थायी बेलिब्रिजको संरचनामा बाढीरपहिरोले क्षति पूर्‍याएपछि मुस्ताङ जिल्लाका लागि पेट्रोलियम पदार्थ आपूर्तिमा समस्या देखिएको हो। अहिले बेलीब्रिज पूनस्थापना गरी संञ्चालनमा ल्याउन मर्मतको काम भइरहेको छ।

पहिरो चालु हप्तादेखि मुस्ताङमा पेट्रोलियम पदार्थ तथा मालसामान ढुवानी ठप्प भएसँगै मुस्ताङमा इन्धनको चरम समस्या देखिएको रिजाल स्टोर्सका प्रोपाईटर बिष्णु रिजालले जानकारी दिए। मुस्ताङमा पेट्रोलिय संन्चित गर्ने व्यवसायिक पेट्रोल पम्म छैन। ब्यारेलले धानिएको मुस्ताङको इन्धन आपूर्ति समस्या समाधान गर्न यहाँका विभिन्न पसलका व्यवसायीले ब्यारेलमार्फत पोखरादेखि मुस्ताङसम्म पेट्रोलियम पदार्थ ढुवानी गर्ने गरेको व्यवसायी रिजालले बताए।

सानादेखि ठूलो व्यवसायीले ब्यारेलको सहायतामा मुस्ताङमा पेट्रोलियम ढुवानी गरी बिक्री वितरण गर्ने गरेको पाइएको छ। पहिरोले सडक अवरुद्ध भएपछि मुस्ताङमा इन्धन र खाना पकाउने एल्पी ग्यासको अभाव भएको मुस्ताङका प्रमुख जिल्ला अधिकारी वेदप्रकाश अर्यालले जानकारी दिए।

कोरोना भाइरसले सिर्जित लकडाउनको अवस्थामा पनि इन्धन अभाव नभएको मुस्ताङमा सरकारले लकडाउन खुल्ला गरेपनि सडक असहजताका कारण मुस्ताङमा इन्धन आपूर्तिमा समस्या देखिएको छ। मुस्ताङका व्यवसायीले ब्यारेलमा इन्धन ढुवानी गरी मिनरल वाटरको वोतलमा भरेर ग्राहकलाई बिक्री गर्ने चलन छ।

मुस्ताङमा पेट्रोल र डिजलको ढुवानी ठप्प भएपछि यहा संञ्चालनमा रहेका सवारी साधनको सेवा प्रवाहमा समस्या देखिएको हो।जिल्लामा डिजल र पेट्रोल पाउन मुश्किल परेपछि सार्वजनिक यातायात तथा निजी र सरकारी गाडीको सेवाप्रवाव रोकिएको हो। यस्तै ,मोटर साईकल मार्फत आउजाउ गर्ने व्यक्तिलाई पनि पेट्रोलियम पदार्थको अभावले समस्यामा परेका छन्। पेट्रोलियमको अभाव देखिएपछि केही व्यापारीले भने सडक सक्रमणकालको फाईदा लिएको सेवाग्राहीहरुको गुनासो छ।