सुनको मूल्य प्रतितोला ८० हजारभन्दा माथि, एकैदिन १५ सयले बढ्यो

काठमाडौं,फागुन १२- नेपाली बजारमा लगातार बढीरहेको सुनको भाउले तोलाको ८० हजार नाघेको छ ।आज तोलामा १५ सय रुपैयाँ बढेको छ ।

आइतवार प्रतितोला ७८ हजार ८०० रुपैयाँमा कारोबार भएको सुन आज प्रतितोला ८० हजार ३ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

त्यसैगरी आइतवार प्रतितोला ७८ हजार ५०० रुपैयाँमा कारोबार भएको तेजावी सुनको मूल्यमा सोमवार १५०० रुपैयाँ बढ्दै प्रतितोला ८०,००० कायम भएको नेपाल सुनचाँदी व्यवसायी महासंघले बताएको छ ।

यो अहिलेसम्मकै उच्च भाउ हो । चीनलगायतका देशमा कोरोना भाइरस फैलिएपछि सुनमा लगानीकर्ताको आकर्षण बढ्दा भाउ आकाशिएको महासंघअन्तर्गतको भाउ निर्धारण समितिका संयोजक तेजरत्न शाक्यले बताए ।

यस्तै चाँदी आज ५ रुपैयाँ बढेर तोलाको ९ सय २५ रुपैयाँ पुगेको छ ।