२४ घण्टामा १ हजार ६०६ जना कोरोना संक्रमणमुक्त

काठमाडौं, स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १ हजार ६०६ जना संक्रमित निको भएका छन् । यो सँगै नेपालमा कोरोना भाइरसको संक्रमणमुक्त हुनेको संख्या ६ लाख २४ हजार ७११ जना पुगेको छ । यो कुल संक्रमितको ९४.५ प्रतिशत हो । हाल देशभर सक्रिय संक्रमितको संख्या २६ हजार ६४७ जना छ ।

मन्त्रालयका अनुसार हालसम्म नेपालमा ३४ लाख ३८ हजार ३३० जनाको स्वाब (नमूना) परीक्षण गरिएको छ भने अहिले २६ हजार ६४७ जना आइसोलेसन र २९३ जना क्वारेन्टिनमा छन् ।