३ महिनामा साढे २ खर्ब रेमिटान्स नेपाल भित्रियाे

काठमाडौं – नेपाल राष्ट्र बैंकले सार्वजनिक गरेको तथ्याङ्क अनुसार चालू आर्थिक बर्षको पहिलो ३ महिनामा रेमिटान्स आप्रवाह ३७ प्रतिशतले बढेको छ ।

गत आबको तुलनामा २ दशमलव ५ प्रतिशत रहेकोमा चालू आबमा आप्रबाह बढेको हो ।

पछिल्लो समय नेपालबाट वैदेशिक रोजगारीमा जाने कामदारको संख्यामा गिरावट आएपनि अमेरिकी डलरको मूल्यमा भएको वृद्धिसँगै नेपाल भित्रने रेमिटान्स उच्च रुपमा बढ्न पुगेको हो ।

चालू आवको ३ महिनामा २ खर्ब ४२ अर्ब १७ करोड रुपैयाँ रेमिटान्स नेपाल भित्रिएको छ ।

तथ्याङ्क अनुसार सो अबधिमा वैदेशिक रोजगारीमा जाने कामदारको संख्यामा ३६ दशमलव ७ प्रतिशतले गिरावट आएको छ । अघिल्लो आबमा विदेश जाने कामदारको संख्यामा २ दशमलव ६ प्रतिशतले मात्र गिरावट आएको थियो ।