सुनको मुल्य बढ्यो, चाँदीको स्थिर

काठमाडौं,कार्तिक ८- नेपाली बजारमा शुक्रबार सुनको मूल्य बढेको छ । सुन आज तोलाको ६ सय रुपियाँले बढेको नेपाल सुनचाँदी व्यवसायी महासंघले जनाएको छ ।

बिहीबार ७० हजार ४ सय रुपियाँमा कारोबार भइरहेको छापावाला सुनको मुल्य आज प्रतितोला ७१ हजार रुपियाँ कायम भएको छ । त्यसै गरी तेजाबी सुन प्रतितोला ७० हजार ७ सय रुपियाँमा कारोबार भइरहेको महासंघले जनाएको छ ।

आज चाँदीको मूल्य स्थिर रहेको छ । चाँदी आज तोलाको ८५० रुपियाँमा नै कारोबार भएको छ ।