प्रधानमन्त्री ओली र कांग्रेस सभापति देउवाबीच भेटवार्ता

काठमाडौं । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।

शनिबार दिउँसो प्रधानमन्त्री निवास बालुवाटारमा ओली र देउवाबीच भेटवार्ता भएको हो । भेटमा सरकारका कामकारबाहीबारे छलफल भएको प्रधानमन्त्री ओलीले आफ्नो फेसबुकमार्फत जानकारी दिएका छन् ।

आफूहरूबीच राजनीतिक विमर्श, सरकारले गरिरहेका र गर्नुपर्ने कामका विषयमा कुराकानी भएको ओलीको फेसबुक पोष्टमा उल्लेख छ ।

‘आज शनिबार, नेपाली कांग्रेसका सभापति, पूर्वप्रधानमन्त्री, मेरा मित्र शेरबहादुर देउवाजीसँग कुराकानी भयो । केही जानकारी आदानप्रदान, केही राजनीतिक विमर्श भए । सरकारले गरिरहेका र गर्नुपर्ने कामका विषयमा पनि कुरा भए,’ उनले लेखेका छन् ।