एनसेलले ल्यायो एनपीएलका मनपर्ने टिमको ‘थिम सङ’ पीआरबीटी राख्न सकिने सुविधा

काठमाडौं । नेपाल प्रिमियर लिग (एनपीएल) को फाइनल भोलि हुन गइरहेको छ र यसले क्रिकेटप्रेमीहरूको उत्साहलाई चरम उत्कर्षमा पु¥याएको छ । यो माहोललाई अझ रोमाञ्चक बनाउन एनसेलले आफ्ना ग्राहकहरूलाई आफूलाई मनपर्ने टिमलाई समर्थन गर्न कल टोन राख्न सकिने सुविधा ल्याएको छ ।

यससँगै ग्राहकहरूले एनपीएलका टिमहरूको थिम गीतलाई पर्सनलाइज्ड रिङ ब्याक टोन (पीआरबीटी) का रूपमा आफ्नो फोनमा सेट गर्न सक्छन् ।

बिहीबारसम्म, ५०,००० भन्दा बढी एनसेल ग्राहकहरूले एनपीएलका विभिन्न टिमहरूको थिम गीतलाई आफ्नो पीआरबीटीका रूपमा राखिसकेका छन् । धेरै ग्राहकहरू आफ्नो टिमलाई समर्थन गर्न कल टोन सेट गरिरहेका छन् । ग्राहकहरूले ८ज्ञद्दघ८ट३ डायल गरेर आफूले रोजेको पीआरबीटी राखेर क्रिकेटको माहोललाई थप उत्साहजनक बनाउन सक्छन् ।

एनसेलको पीआरबीटी एक विषेश सेवा हो । यो सेवाअन्तर्गत ग्राहकहरूले नर्मल गीतहरूबाहेक अन्य तीन तरिकामा आफ्नो रूचि, मुड वा विशेष अवसरसँग मेल खाने गरी कल टोन सेट गर्न सक्छन् ।

‘नेम ट्युन’ पीआरबीटी सेवामा ग्राहकहरूले आफ्नो नामलाई कलर टोनको रूपमा सेट गर्न पनि सक्छन् । त्यसैगरी ‘स्टाटस पीआरबीटी’ अन्तर्गत निश्चित समयका लागि आफ्नो गतिविधिअनुसारमा टोन राख्न सकिन्छ । जस्तैः कुनै ग्राहकले आफूले गाडी चलाइरहेको छ भने उसले फोन गर्नेहरूलाई आफूले गाडी चलाइरहेको जानकारी दिने टोन राख्न सक्छन् । यसबाहेक ‘आफ्नै धुन’ पीआरबीटी सेवाअन्तर्गत ग्राहकले आफूलाई मनपर्ने गीत, धुन वा कुनै अडिओ रेकर्ड गरी अपलोड गरेर टोनका रूपमा पनि राख्न सक्छन् ।

प्रत्येक पीआरबीटीको शुल्क करसहित ३१ रूपैयाँ पर्छ र यो ३० दिनसम्म सक्रिय रहन्छ ।

यस पीआरबीटी सेवामा सुशान्त केसी, याबेश थापा, भेकजस्ता औधी मन पराइएका कलाकारका गीतहरूदेखि लिएर अरू गीतहरू पनि हरेक संगीतप्रेमीको इच्छाअनुसार छान्न सकिन्छ । एनसेलले आफ्नो पीआरबीटी सेवामा नयाँ र ट्रेन्डिङ गीतहरू नियमित रूपमा थप्ने गर्दछ, जसले यो सेवालाई विशेष बनाएको छ ।