घाँस काट्ने क्रममा करेण्ट लागि एक महिलाको मृत्यु

अन्जनराज न्यौपाने
तनहुँ घाँसकाट्ने क्रममा करेण्ट लागि ५४ बर्षिया एक महिलाको मृत्यु भएको छ।जिल्लाको म्याग्दे गाऊपालिका( १ माथिल्लो गुणादी बस्ने सिता राई रुखमा चढी घाँस काटने क्रममा रुखको हांगाले हाईटेनसन तारमा अचानक छुन जादा करेण्ट लाग्दा भुईमा थेचारिन पुगेकी थिईन् ।

घाइते भएकि राईलाई उपचारका लागि रत्नहरी अस्पताल दमौली लगिएको थियो । राईको उपचारका क्रममा मृत्युु भएको जिल्ला प्रहरी कार्यालय तनहुँका प्रहरी नायब उपरीक्षक लिलाराज लामिछानेले जानकारी दिए। भोजपुर घर भएकी राई स्थानीय कृष्ण रानाभाटको घरमा डेरा गरि बस्दै आएकी थिईन ।