एकैदिन १,४०० रूपैयाँले बढ्यो सुनको मूल्य, कतिमा हुँदैछ काराेबार ?

काठमडाैं । नेपाली बजारमा आज (बुधबार) पनि सुनचाँदीको मूल्य बढेको छ।

मंगलबार प्रतितोला नौ सय रूपैयाँ घटेको सुनको भाउ यसदिन एक हजार चार सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ६० हजार ६ सय रूपैयाँमा कारोबार भइरहेको छ ।

मंगलबार छापावाल सुन प्रतितोला एक लाख ५९ हजार दुई सय रूपैयाँमा कारोबार भएको थियो ।

यस्तै, बुधबार चाँदीको मूल्य पनि बढेको छ ।

यस दिन चाँदीको मूल्य प्रतितोला एक हजार आठ सय ५५ रूपैयाँमा कारोबार भइरहेको छ ।

मंगलबार चाँदी प्रतितोला एक हजार आठ सय ३५ रूपैयाँमा कारोबार भएको थियो ।

यो मूल्य अघिल्लो दिनको तुलनामा प्रतितोला २० रूपैयाँ बढेको हो ।