मेटलाइफले ३ नयाँ स्थान पर्सा, कावासोती र दमौलीमा बिमा पहुँच विस्तार

काठमाडौँ / मेटलाइफले गत हप्तामा पर्सा, कावासोती र दमौलीमा तीन नयाँ एजेन्सी अफिस उद्घाटन गरेको छ ।

हजारौँ घरपरिवारलाई विश्वासिलो वित्तीय परामर्श र बिमा सेवामा अझ सजिलो पहुँच उपलब्ध गराउने उद्देश्यले कम्पनीले उक्त एजेन्सी अफिस सञ्चालनमा ल्याएको हो । जीवन बिमा वित्तीय सुरक्षाका लागि झन् आवश्यक बन्दै गएको बेला, मेटलाइफ नेपालले परिवार र व्यवसायहरुलाई थप सुरक्षा सहज बनाउन सार्थक कदमहरू चालिरहेको छ ।

नेपालका विभिन्न क्षेत्रहरूमा बिमा सेवाहरूको पहुँच विस्तार गर्र्दैै, मेटलाइफले अझ धेरै परिवारलाई सुरक्षित भविष्यको योजना बनाउन, प्रियजनलाई सुरक्षित राख्न, र जीवनका अनिश्चितताविरुद्ध वित्तीय प्रतिरोधात्मक क्षमता बलियो बनाउन सुनिश्चित गर्न खोजेको छ ।

नयाँ अफिसहरूले बिमा सेवा मात्र प्रदान गर्ने छैनन्, यसले स्थानीय रोजगारका अवसर पनि सिर्जना गर्नेछ र वित्तीय सुरक्षा क्षेत्रमा अर्थपूर्ण करियर बनाउन मानिसहरूलाई सक्षम पार्नेछ ।

यस अवसरमा, मेटलाइफ नेपालका जनरल म्यानेजर निर्मल काजी श्रेष्ठले भने, “पर्सा, कावासोती र दमौलीमा हाम्रो ढोका खोल्नु केवल सञ्जाल विस्तार मात्र होइन । यो बिमा सुरक्षालाई मानिसहरूको दैनिक जीवनमा नजिक ल्याउने हाम्रो संकल्प हो ।

यहाँ उपस्थित रहँदा, हामी मानिसहरुले वित्तीय सुरक्षा पाउन टाढा यात्रा गर्न वा लामो समय पर्खिनु नपरोस्, र वहाँहरूले अब मनको शान्ति र दीर्घकालीन वित्तीय सुरक्षा प्राप्त गर्न सकून् भन्ने सुनिश्चित गर्न चाहन्छौँ ।”