पानीको बोतल एमआरपीभन्दा बढीमा नबेच्न होटल र रेष्टुरेन्टहरुलाई आग्रह

This image shows the office of the Department of Commerce, Supplies and Consumer Protection in Babarmahal, Kathmandu, in March 2020. Photo courtesy: Nischal Giri

काठमाडौँ । होटल तथा रेष्टुरेन्टहरुले उत्पादकले तोकेको मूल्यभन्दा बढी मुल्यमा पानी बिक्रि नगर्न बाणिज्य आपूर्ति तथा उपभोक्ता संरक्षण बिभागले आग्रह गरेको छ ।

बिभागले एमआरपीभन्दा बढी मूल्य लिँदा उपभोक्ता संरक्षण ऐन, २०७५ तथा नियमावली, २०७६ अनुसार उपभोक्ताले माग दाबी गरेमा कारबाही स्वरुप जरिवाना र क्षतिपूर्ति समेत दिनुपर्ने भन्दै एमआरपी भन्दा बढी रकम असुल नगर्न भनेको छ ।

बिभागले भनेको छ

खानेपानी बोतल बिक्री वितरण र मूल्यका सम्बन्धमा उपभोक्ताको व्यापक गुनासो प्राप्त भएको सन्दर्भमा अनुरोध गरिएको छ, उत्पादकहरुले तोकेको अधिकतम खुद्रा विक्री मूल्य (एमआरपी) भन्दा बढी मूल्य लिई होटल, रेस्टुरेन्ट आदिमा बिक्री गरिरहेको पाइएको एवं उपभोक्ताले मेनुमा उल्लेख भएका वस्तु वा सेवा प्राप्त गरेपछि टेबलमा लगेर राखिएको सिलबन्दी बोतललाई उपभोक्तासँग थप मूल्य लिनु उपयुक्त नदेखिएको हुँदा एमआरपीभन्दा बढी मूल्य लिँदा उपभोक्ता संरक्षण ऐन, २०७५ तथा नियमावली, २०७६ अनुसार उपभोक्ताले माग दाबी गरेमा कारबाही स्वरुप जरिवाना र क्षतिपूर्ति समेत हुने हुँदा सिलबन्दी खानेपानी बोतल ग्राहकलाई उपलब्ध गराउँदा अधिकतम खुद्रा विक्री मूल्य (एमआरपी) भन्दा बढी रकम असुल नगर्नु हुन सूचित गरिएको छ । अन्यथा उजुरी वा स–प्रमाण दाबी हुन आएमा उपभोक्ता संरक्षण ऐन, नियम अनुसार कारबाही हुने बेहोरा सबैमा जानकारीका लागि यो सूचना गरिएको छ ।