जापानमा मतदान सम्पन्न, ताकाइची नेतृत्वको गठबन्धनले स्पष्ट बहुमत ल्याउने संकेत

काठमाडौँ । जापानमा मतदान सम्पन्न भएको छ । प्रारम्भिक अनुमानले वर्तमान प्रधानमन्त्री साने ताकाइचीको लिबरल डेमोक्रेटिक पार्टी ९एलडिपी० ले स्पष्ट बहुमत ल्याउने देखिएको छ ।

देशको पहिलो महिला प्रधानमन्त्री बनेको चार महिनापछि, उनले जनताबाट स्पष्ट बहुमत प्राप्त गर्न यो चुनावको आह्वान गरेकी थिइन् ।

४६५ सदस्यीय जापानको तल्लो सदनमा एलडिपीले ३ सय भन्दा बढी सिट जित्ने अनुमान गरिएको छ । जापानमा ४६५ मध्ये २८९ प्रत्यक्ष र १७६ सिट समानुपातिकबाट निर्वाचित हुने व्यवस्था गरेको छ ।

ताकाइचीले आफ्नो लोकप्रियता बढिरहेको समयमा पार्टीले नयाँ जनमत लिने निर्णय गरेकी थिइन् । कतिपयले यो चुनावलाई जोखिमपूर्ण कदम भनेका थिए, किनकि एलडिपीले संसदको दुवै सदनमा बहुमत गुमाएको थियो ।

तर ताकाचीको लोकप्रियताले पार्टीलाई बलियो बनाएको छ । उनको सरकारको स्वीकृति मूल्याङ्कन धेरैजसो समय ७० प्रतिशतभन्दा माथि रहेको छ ।

चुनावका प्रारम्भिक नतिजाले एलडिपी र जापानी इनोभेसन पार्टीको गठबन्धनले तल्लो सदनको ४६५ सिटमध्ये लगभग ३०० भन्दा बढी सिट जित्ने देखिएको छ ।

Shorts

विदेशमा बस्ने नागरिकलाई पनि नागरिकता दिनुपर्छ

२३ गतेको घ*ट*नाले २४ गतेको अबस्था सिर्जना गरेको हो : रक्षा बम

हेलिकप्टरमा मुख्यमन्त्रीको वनभोज

देशलाई युक्रेन बनाउने ष*ड्य*न्त्र रचिदैछ: झलनाथ खनाल

निजी क्षेत्रका संरचना पुन: निर्माण भएमा फेरी ज*ल्दै*नन् भनेर सरकार ज्ञारेन्टी दिन्छ

जेन्जीले उठाएका माग जायज थिए

लगानीमैत्री नीति नहुँदा युवा विदेश पलायन भैइरहेका छन्

जेन्जी आ*न्दो*लनले पुराना दललाई पाठ सिकाएको छ

चितवन निलो क्रान्तिको उद्गम स्थल हो

ओलीको उखान टुक्कामा पीएचडी