ट्रम्प प्रशासनको खोप नीति विवादित, दर्जनौं राज्यले दायर गरे मुद्दा

WASHINGTON, DC – APRIL 07: U.S. President Donald Trump speaks during a meeting with Israeli Prime Minister Benjamin Netanyahu in the Oval Office of the White House on April 7, 2025 in Washington, DC. President Trump is meeting with Netanyahu to discuss ongoing efforts to release Israeli hostages from Gaza and newly imposed U.S. tariffs. (Photo by Kevin Dietsch/Getty Images)

काठमाडौं । बालबालिकाका लागि खोप सिफारिशमा संघीय सरकारले गरेको बदलावका कारण अमेरिकी ट्रम्प प्रशासन दबाबमा परेको छ ।

१० भन्दा बढी अमेरिकी राज्यहरूले संघीय सरकारविरुद्ध मुद्दा दायर गर्दै नयाँ दिशानिर्देशले सार्वजनिक सुरक्षा खतरामा पार्ने बताएका छन् ।

राज्यहरूको तर्क अनुसार सेंटर्स फर डिजिज कन्ट्रोल एण्ड प्रिभेन्सनले गत महिनामा घोषणा गर्दै सबै बालबालिकालाई फ्लू, रोटावायरस, हेपाटाइटिस ए, हेपाटाइटिस बी, केही प्रकारका मेनिन्जाइटिस र आरएसभीबाट बचाउने खोप लगाउने सिफारिश बन्द गर्ने निर्णयले बालबालिकाको स्वास्थ्य जोखिममा पारेको छ ।

एरिजोना र क्यालिफोर्नियासहितका दर्जनौं राज्यहरूले नयाँ खोप सिफारिश पुरानो चिकित्सकीय मार्गदर्शनको विपरीत रहेको र यसले रोग रोकथामका लागि राज्यहरूको खर्च बढाउने बताएका छन् । तर, संघीय स्वास्थ्य विभागकी प्रवक्ता एमिली जी हिलियार्डले यो मुद्दालाई प्रचारका लागि गरिएको प्रयास मात्र भन्दै अस्वीकार गरेकी छन् ।

स्वास्थ्य मन्त्री रॉबर्ट एफ कैनेडी जुनियर खोपका समर्थक नहुने भएकाले ट्रम्प प्रशासन र विपक्षी डेमोक्रेटिक पार्टीबीच तनाव जारी रहेको छ । ट्रम्प प्रशासनले पहिले नै संघीय स्वास्थ्य संस्थाका हजारौं कर्मचारीलाई पदमुक्त गरिसकेको छ भने वैज्ञानिक अनुसन्धान र अनुदानमा पनि कटौती गरिएको छ ।

क्यालिफोर्निया, वाशिंगटन र ओरेगनका डेमोक्रेटिक राज्य प्रमुखहरूले खोप सिफारिशमा आफ्नो अधिकार सुनिश्चित गर्न गठबन्धन गठन गरेको केही महिनापछि यो मुद्दा दायर गरिएको हो । उनीहरूले संघीय सरकारको निर्णयले रोग नियन्त्रण निकायलाई राजनीतिकरण गर्दै जनस्वास्थ्य जोखिममा पारिरहेको बताएका छन् ।

विशेषज्ञहरूका अनुसार स्कूली बालबालिकालाई खोप अनिवार्य गर्ने अधिकार राज्यसँग मात्र छ, संघीय सरकारसँग छैन। तर, डिजिज कन्ट्रोल एजेन्सीले राज्यका स्वास्थ्य नियमहरूमा अप्रत्यक्ष प्रभाव पार्ने गरेको छ।