सशस्त्र प्रहरी दिवसको अवसरमा प्रभातफेरी कार्यक्रम

काठमाडौं, ८ माघ – २०औं सशस्त्र प्रहरी दिवस २०७७ को पुनित अवसरमा सशस्त्र प्रहरी बल, नेपालले बिहीबार बिहान सहभागितामुलक प्रभातफेरी कार्यक्रमको आयोजना गरेको छ । सो कार्यक्रममा सशस्त्र प्रहरी महानिरीक्षक शैलेन्द्र खनाल तथा सशस्त्र प्रहरी अतिरिक्त महानिरीक्षकद्वय पुष्पराम के.सी. र रामशरण पौडेल लगायत एपीएफ अधिकृत तथा विल्लादार जवानहरुको सहभागिता रहेको थियो ।

‘समृद्ध नेपाल सुखी नेपाली’, जनताको सेवा र सुरक्षा सशस्त्र प्रहरीको प्रतिबद्धता, मास्कको अनिवार्य रुपमा प्रयोग गरौं, भौतिक दुरी कायम गरौं, साबुन पानीले बारम्बार हात धोऔं भन्ने लगायतका सचेतनामूलक नारासहित सशस्त्र प्रहरी बल, नेपाल प्रधान कार्यालय हल्चोक स्वयम्भूबाट सुरु भएको उक्त प्रभातफेरी स्वयम्भूचोक, भगवानपाउ, छाउनीहुँदै सशस्त्र प्रहरी बल, नेपाल प्रधान कार्यालयमै पुगेर समापन भएको हो ।