पारिवारिक कथामा ‘डाँडाको बरपीपल’ निर्माण हुने

काठमाडौं, चैत १२ – पारिवारिक कथामा फिल्म ‘डाँडाको बरपीपल निर्माण हुने भएको छ । बुढासुब्बा ओरिजिनलको प्रस्तुतिमा निर्माण हुने फिल्मको बिहीबार राजधानीमा मुहुर्त गरिएको छ ।शोभित बस्नेतको निर्देशन रहने फिल्ममा शिव श्रेष्ठ, गौरी मल्ल, सलोन बस्नेत, राजीवजंग बस्नेत, यसराज गरचको अभिनय रहनेछ ।

निर्देशक शोभितका अनुसार फिल्मका लागि तीन नायिका र एक नायक केही दिनमा फाइनल हुनेछन् । फिल्ममा सुशान्त प्रजापतिको छायांकन, रामकाजी घिमिरेको लेखन, शिव मुखिया र अर्जुन पोखरेलको संगीत, रोशन श्रेष्ठको द्वन्द्व, गोविन्द राईको नृत्य, नवराज गिरीको गीत र रामजी राउतको मुख्य सहायक निर्देशन छ ।

७५ दिनको छायांकन तालिका रहेको फिल्म काठमाडौं, कालाबाङ, पूर्व र से फोक्सुण्डो तालमा खिचिनेछ ।