श्रोत नखुलेको ६ लाख रुपैयाँसहित एक जना पक्राउ

कञ्चनपुर । कञ्चनपुर जिल्लाको पुनर्वास नगरपालिका ११ डोकेबजारस्थित सीमा ईलाकाबाट साउन २४ गते सशस्त्र प्रहरीले ६ लाख १ हजार ५०० नेपाली रुपैयाँसहित भारतमा घर बताउने ४१ वर्षीय रजनीस कुमारलाई पक्राउ गरेको छ ।

सशस्त्र प्रहरी बल नेपाल बोर्डर आउट पोष्ट डोकेबजारबाट खटिएको सशस्त्र प्रहरीले निज कुमारलाई शंका लागि जाँच गर्दा उनको साथमा फेला परेको उक्त रुपैयाँको निजले श्रोत खुलाउन नसकेपछि पक्राउ गरिएको हो ।

पक्राउ परेका उनलाई बरामद रुपैयाँसहित आवश्यक कारबाहीको लागि नेपाल प्रहरीलाई बुझाइएको छ ।