बिहीबार, भदौ ४, २०८३
कर्पोरट खबर
4:17 pm, बिहीबार, भदौ ४, २०८३
काठमाडौं । एम्बेसडर्स क्लब नेपालले १८ अगस्टमा काठमाडौंमा “युवा आविष्कारकहरूको सम्मान” विषयक एकविशेष अभिनन्दन कार्यक्रम आयोजना गरेको छ ।
यस कार्यक्रममा राष्ट्रिय आविष्कार केन्द्रका प्रतिनिधिहरू,युवा आविष्कारकहरू, नेपाली र विदेशी विद्यार्थीहरू, कूटनीतिज्ञहरू र विशिष्ट अतिथिहरूको उपस्थिति थियो ।
उक्त कार्यक्रमले नेपालको विकासमा नवप्रवर्तन, प्रविधि, सिर्जनशीलता र युवा नेतृत्वको महत्त्वलाई प्रकाश पार्दै, नयाँ विचारहरूको खोजी गर्ने र वास्तविक–विश्वका चुनौतीहरूमा समाधान खोजी गर्ने युवाहरूलाई सम्मान गर्ने मञ्च प्रदान गरेको थियो ।
सहभागीहरूलाई स्वागत गर्दै एम्बेसडर्स क्लब नेपालकी अध्यक्ष राजदूत डाक्टर शर्मिला पराजुली ढकालले यो कार्यक्रम युवा आविष्कारकहरूको सम्मानका लागि मात्र नभई उनीहरूलाई अन्तर्राष्ट्रिय स्तरमा जोडिन, विचार आदानप्रदान गर्न र सहकार्य गर्न कूटनीतिले कसरी अवसरहरू सिर्जना गर्न सक्छ भन्ने देखाउन तयार पारिएको बताए ।
उहाँले नेपालको नवप्रवर्तन इकोसिस्टममा पुर्याएको योगदान र युवाहरूका विचारलाई व्यावहारिक समाधानमा अनुदित गर्ने अवसर सिर्जना गरेकामा राष्ट्रिय आविष्कार केन्द्रको प्रशंसा गरे ।
