आजपाको प्रदर्शनमा बालेनविरूद्ध नाराबाजी– कवाडीमाथि डोजर आतंक बन्द गर

काठमाडौं । प्रभु साह नेतृत्वको आम जनता पार्टीले काठमाडौंमा प्रदर्शन गरेको छ । देशमा बढ्दो भ्रष्टाचार र लुटतन्त्रको विरोधमा आजपाले प्रदर्शन गरेको हो ।

प्रदर्शनकारीहरुले अधिकार र पहिचानको उद्देश्य स्थापित गर्न, महिलालाई ५१ प्रतिशत अधिकार सुनिश्चित गर्न, मनपरी कर तथा महँगी नियन्त्रणदेखि सरकारी बजेटको भागबन्डा रोक्नुपर्नेसहित विभिन्न माग राखेका छन् ।

प्रदर्शनमा कवाडी व्यवसायीहरु पनि संलग्न छन् । उनीहरुले काठमाडौं महानगरका मेयर बालेन शाहविरुद्ध पनि नाराबाजी गरेका छन् । कवाडीमाथि डोजर आतंक बन्द गर भन्दै उनीहरुले बालेनविरुद्ध नाराबाजी गरे ।