रक्तचन्दनसहित स्वयम्भुबाट एक जना भारतीय नागरिक पक्राउ

काठमाडौं । काठमाडौंको स्वयम्भु चोकबाट रक्तचन्दनसहित एक जना भारतीय नागरिक पक्राउ परेका छन् ।

काठमाडौं महानगरपालिका–१५ स्वयम्भूस्थित कारखाना चोकबाट ५ सय ८० ग्राम रक्तचन्दन जस्तो देखिने काठसहित भारत मोतिहारी घर भई हाल काठमाडौं महानगरपालिका–८ पशुपति बस्ने २२ वर्षीय नवउदिन चौधरीलाई आज शनिबार बिहान पक्राउ गरिएको प्रहरीले जनाएको छ ।

प्रहरी वृत्त स्वयम्भूबाट खटिएको प्रहरीले दिल्लीबाट काठमाडौं चल्ने मञ्जुश्री यातायातको बा.४ ख २३८९ नम्बरको बसलाई जाँच गर्ने क्रममा चौधरीको साथबाट उक्त काठ फेला पारी पक्राउ गरेको हो ।