‘तपस्वी’ बम्जनकाे साथबाट प्रहरीले बरामद गरेको पैसा र माेबाइलकाे चाङ (फोटोफिचर)

काठमाडौं । मंगलबार पक्राउ परेका ‘तपस्वी’ रामबहादुर बम्जनको साथबाट प्रहरीले ३ करोड ३४ लाख ३७ हजार ९०६.७ रुपैयाँ बरामद गरेको छ । विभिन्न १७ देशका विदेशी मुद्रासहित उनको साथबाट उक्त परिमाण बराबरको नेपाली रुपैयाँ बरामद भएको हो ।

मंगलबार बुढानीलण्ठस्थित घरबाट बम्जन पक्राउ पर्दा प्रहरीले बरामद गरेको सामान बुधबार पत्रकार सम्मेलन गरी सार्वजनिक गरेको हाे । सीआईबीका अनुसार बम्जनले प्रदेश ३–०१ ०२४ च ६७२९ नम्बरको टोयटा फर्च्युन गाडी चढ्ने गरेका थिए ।

उनीसँग क्रस फायर, केटीएम ड्युक, यामाहा रे जेडआर स्कुटरलगायत चार वटा मोटरसाइकल पनि रहेको प्रहरीले जानकारी दिएको छ ।

उनको साथबाट १४ वटा मोबायल, २ वटा ल्यापटप, २ वटा मेमोरी काड, १ भ्वाइस रेकडर २० वटा पेन्डाइभ र ५ वटा आईप्याड तथा ट्याब पनि प्रहरीले बरामद गरेको छ ।

यो हेर्नुहोस् तस्वीर