बुधबार, भदौ ३, २०८३
कर्पोरट खबर
12:31 pm, बुधबार, भदौ ३, २०८३
काठमाडौं । फोनपेले जिवीसँग साझेदारी गर्दै चेकआउट बाई फोनपे सेवा जिवीमा एकीकृत गरेको छ।
यससँगै जिवीका ग्राहकहरूले अनलाइन खरिद गर्दा अझ छिटो, सरल र सहज रूपमा भुक्तानी गर्न सक्ने भएका छन्।
यस एकीकरणमार्फत जिवीमा सामान खरिद गर्ने ग्राहकहरूले भुक्तानीको क्रममा चेकआउट बाई फोनपे छनोट गरी सहभागी मोबाइल बैंकिङ एपमार्फत आफ्नो भुक्तानी सहज रूपमा पूरा गर्न सक्नेछन्।
यसले सामान छनोटदेखि भुक्तानीसम्मको सम्पूर्ण प्रक्रियालाई थप सहज र सुविधाजनक बनाउनेछ। यस सेवाको सुरुवातको अवसरमा फोनपे र जिवीले ग्राहकहरूका लागि विशेष २० प्रतिशत क्यासब्याक, अधिकतम ५०० रूपैयाँसम्मको अफर पनि ल्याएका छन्।
यो अफर अगस्ट १८ देखि अगस्ट ३१ सम्म लागू हुनेछ। प्रत्येक ग्राहकले अभियान अवधिभर अधिकतम ५०० रूपैयाँसम्मको क्यासब्याक प्राप्त गर्न सक्ने बताइएको छ।
जिवीसँगको यो एकीकरण नेपालको डिजिटल भुक्तानी प्रणालीलाई थप सुदृढ बनाउने फोनपेको निरन्तर प्रयासको हिस्सा हो।
कम्पनीका अनुसार नवीन भुक्तानी समाधानमार्फत थप व्यापारी तथा वित्तीय संस्थाहरूलाई जोड्दै फोनपेले अनलाइन कारोबारलाई छिटो, सरल र सहज बनाउने लक्ष्य लिएको छ।
थप व्यापारी, वित्तीय संस्था तथा विद्युतीय व्यापारिक मञ्चहरूमा चेकआउट बाई फोनपे विस्तार गर्दै फोनपेले देशभरका ग्राहकहरूलाई अझ सहज, सुरक्षित र निर्बाध डिजिटल भुक्तानी अनुभव प्रदान गर्ने आफ्नो प्रतिबद्धतालाई निरन्तरता दिइरहेको छ।
