सिटिजन्स बैंकका ग्राहकले भारतको अस्पतालमा पनि छुट पाउने, यस्ता छन् शर्तहरू

काठमाडौं । सिटिजन्स बैंक इन्टरनेसनलका ग्राहकहरूले भारतको अस्पतालमा पनि छुट पाउने भएका छन् ।

बैंकले भारतको गुँडगाँवस्थित मेदान्त– द मेडिसिटी अस्पतालमा आफ्ना ग्राहकका लागि छुट सुविधाको व्यवस्था गरेको हो । सेवासुविधा आदानप्रदानका लागि बैंकले हालै सो अस्पतालसँग एक समझदारी समेत गरेको छ ।

समझदारी अनुसार सिटिजन्स बैंकका कार्डवाहक ग्राहकहरुलाई अस्पतालको सेवा शुल्कमा १५५ सम्म छुट प्राप्त हुने भएको छ । यस किसिमको सहकार्यबाट भारतमा स्वास्थ्य उपचार गराउन जाने बैंकका ग्राहकहरुलाई उपचारका क्रममा थप सहज सेवा प्राप्त भई लाभान्वित हुने विश्वास बैंकले लिएको छ ।

यो सुविधा सिटिजन्स बैंकका कार्डबाहक ग्राहकहरुले पाउनेछन् । बैंकले यस्तो किसिमको सुविधा विगत चार वर्षदेखि निरन्तर रुपमा उपलब्ध गराउँदै आइरहेको बैंकद्वारा जारी विज्ञप्तिमा उल्लेख छ ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना १९० वटा शाखा, १५३ वटा एटीएम र ९८ वटा शाखारहित बैंकिङ्ग ईकाइहरूबाट १७ लाख ३५ हजार ग्राहकवर्गलाई आधुनिक बैंकिङ्ग सेवाहरू प्रदान गर्दै आएको जनाएको छ ।