शुक्रबार, चैत २७, २०८२
कर्पोरट खबर
11:19 am, बिहीबार, चैत २६, २०८२
काठमाडौं । नेकपा एमालेका उपमहासचिव योगेश भट्टराईले पार्टी भित्र अहिले चलिरहेको विवादका बारेमा व्यंग्यात्मक कविता लेखेका छन् ।
उनले कवितामा पार्टीका कार्यवाहक अध्यक्ष रामबहादुर थापा बादलमाथि व्यंग्य गरेका छन् । उनले वादल मडारिएपछि मुसलधारे वर्षा भएको, जबज निथ्रुकै भिजेको र आफुहरु हेरेको हेर्यै भएको उल्लेख गरेका छन् ।
एमालेमा संसदीय दलका नेता समेत रहेका बादलले केहि दिनअघि संसदमा दिएको भाषणका कारण विवाद उत्पन्न भएको छ ।
बादल अभिव्यक्ति सचिवालय बैठक बसेर सच्याएपनि एमालेको विवाद रोकिने संकेत देखिएको छैन । विवादका बीच एमालेमा विशेष महाधिवेशनको माग गर्न हस्ताक्षर अभियान समेत चलाइएको छ ।
योगेशले कवितामार्फत भनेका छन्
वादल मडारियो
मुसलधारे वर्षा भयो
जबज निथ्रुकै भिज्यो
मदन तीन छक्क पर्नुभयो
हामी हेरेको हेर्यै भयौ !
यो पनि पढ्नुहोस्–
एमालेमा आन्तरिक तनाव बढ्दैः बादलको अभिव्यक्तिमा उपाध्यक्ष पौडेलको कडा आपत्ति
