२४ घण्टामा थप २९३ जनामा कोरोना संक्रमण पुष्टि, दुई जनाको मृत्‍यु

काठमाडौं । पछिल्लो २४ घण्टाको अबधिमा नेपालमा थप २९३ जनामा कोरोना संक्रमण पुष्टि भएको छ ।

९ हजार ५१० जनाको पीसीआर परीक्षण गर्दा २४१ जना र २ हजार ११६ जनाको एन्टीजेन परीक्षण गर्दा ५२ जना गरी कुल २९३ जनामा कोरोना संक्रमण पुष्टि भएको हो ।

यस्तै पछिल्लो २४ घण्टामा २ जनाको मृत्‍यु भएको छ । योसँगै नेपाल मृत्‍यु हुनेको संख्या ११ हजार ५८१ पुगेको छ ।

त्यस्तै पछिल्लो २४ घण्टामा २६३ जना संक्रमणमुक्त भएका छन् । यो सँगै संक्रमणमुक्त हुनेको संख्या ८ लाख ९ हजार ९२२ जना पुगेको छ । बिहीबारको विवरण अनुसार नेपालमा कोरोना संक्रमितको कुल संख्या ९ लाख २२ हजार ७५६ पुगेको छ ।

स्वास्थ्य तथा जनसंख्या मन्त्रालयका अनुसार हाल देशभर सक्रिय संक्रमितको संख्या ५ हजार १६१ जना रहेका छन् । जसमध्ये ४ हजार ९१० जना होम आइसोलेसनमा रहेका छन् भने २५१ जना संस्थागत आइसोलेसनमा रहेका छन् । कोरोनाका बिरामीमध्ये ९६ जना आईसीयू र २२ जना भेन्टिलेटरमा उपचाररत् छन् ।