सांसद ढकाल र श्रीलंकाका पूर्वराष्ट्रपति विक्रमासिङ्घेबीच भेटवार्ता

काठमाडौं । प्रतिनिधिसभाका सदस्य एवम् पूर्वमन्त्री एकनाथ ढकालले नेपाल भ्रमणमा रहेका श्रीलंकाका पूर्वराष्ट्रपति रनिल विक्रमासिङ्घेसंग बिहीबार भेटवार्ता गरेका छन् ।

काठमाडौको एक होटेलमा भएको भेटमा दुई देशबीचको आपसी सम्बन्ध र परस्पर हितका विविध पक्षमा कुराकानी भएको थियो ।

भेटमा दुई देशको आपसी हितका बारेमा छलफल भएको भेटमा सहभागी नेपाल परिवार दलका महामन्त्री सन्तोषकुमार पौडेलले जानकारी दिए ।

सांसद ढकालले पूर्वराष्टपति विक्रमासिङ्घेले लुम्बिनी भ्रमण गरेकामा धन्यवाद दिए ।

सांसद ढकाल प्रतिनिधिसभाको अन्तर्राष्ट्रिय सम्बन्ध तथा पर्यटन समिति सदस्यसमेत हुन् ।