दोल्ती पावरको आईपिओ आज बाँडफाँड हुँदै

काठमाडौं । दोल्ती पावर कम्पनी लिमिटेडले निष्काशन गरेको आईपिओ आज शुक्रबार दिउँसो बाँडफाँड हुने भएको छ । बिक्री प्रबन्धक एनआईसी एसिया क्यापिटलले आज दिउँसो ३ बजे बत्तीसपुतली स्थित काजीको किचेनमा शेयर बाँडफाँड गर्न लागेको हो ।

कम्पनीले चैत्र २८ गतेदेखि वैशाख ३ गतेसम्म सर्वसाधारणको लागि १२ लाख ७१ हजार ८ सय ८६ कित्ता शेयर निष्काशन गरेको थियो । कम्पनीले यस अघि नै आयोजना प्रभावित स्थानीय, वैदेशिक रोजगारीमा रहेका नेपाली श्रमिक, र कम्पनीका कर्मचारीमा शेयर बाँडफाँड गरिसकेको छ।

दोल्ती पावरले दैलेखमा ४.८ मेगावाटको पदम खोला साना जलविद्युत आयोजनाको निर्माण सम्पन्न गरि २०७६ पुस ८ गतेदेखि विजुली उत्पादन गरिरहेको छ ।