शुक्रबार, फाल्गुन २९, २०८२
कर्पोरट खबर
5:55 pm, शुक्रबार, फाल्गुन २९, २०८२
काठमाडौं । नेकपा (एमाले) का अध्यक्ष एवम् पूर्वप्रधानमन्त्री केपी शर्मा ओलीका पिता मोहनप्रसाद ओलीको ९७ वर्षको उमेरमा आज निधन भएको छ । स्वर्गीय ओलीले आफ्नो आँखा दान गरेका छन् ।
सामाजिक र पारिवारिक रूपमा एक निष्ठावान अभिभावकको छवि बनाएका स्वर्गीय ओलीले आफ्नो मृत्युपश्चात् कसैले संसार देख्न पाओस् भन्ने पवित्र उद्देश्यका साथ मरणोपरान्त आँखा दान गर्ने इच्छा व्यक्त गरेका थिए । सोही अनुसार निधन लगत्तै उनको आँखाको नानी दान गरिएको छ ।
‘बुबाले सधैं अरूको हित सोच्नुभयो, अन्तिम समयमा उहाँको आँखा दान गर्ने इच्छा पूरा गर्न पाउँदा हामीलाई गर्व लागेको छ,’ छोरा केपी ओलीले भने ।
स्वर्गीय ओलीको पार्थिव शरीरलाई शुक्रबार दिउँसो पशुपति आर्यघाटमा वैदिक परम्पराअनुसार अन्त्येष्टि गरिएको छ ।
पितृशोकमा एमाले अध्यक्ष ओलीलाई क–कसले दिए सान्त्वना ?
FACEBOOK COMMENTS