विन नेपाल लघुवित्तको एफपीओ निष्कासन

काठमाडौं । विन नेपाल लघुवित्त वित्तीय संस्थाको थप सार्वजनिक निष्कासन (एफपीओ) खुला भएको छ ।

कम्पनीले ५१ लाख २९ हजार २ सय रुपैयाँको ५१ हजार २९२ दशमलव ५० कित्ता सेयर निष्कासन गरेको छ । यसमा चैत २६ गतेसम्म आवेदन दिन सकिनेछ । उक्त अवधिमा माग अुनसार आवेदन नपरेको खण्डमा वैशाख ४ गतेसम्म आवेदन दिन सकिने छ ।

यसमा न्यूनतम १० देखि अधिकतम १ हजार कित्तासम्म आवेदन दिन सकिन्छ । एपीओमा सी–आस्वा सदस्य रहेका बैंक तथा वित्तीय संस्था तथा मेरो सेयरमार्फत सेयर आवेदन दिन सकिने छ । यसको बिक्री प्रबन्धकमा नेपाल एसबीआई मर्चेन्ट बैंकिङ रहेको छ ।

बैंक तथा वित्तीय संस्था सम्बन्धी ऐन २०७३ को दफा ९ बमोजिम सर्वसाधारणको पुँजी संरचना ३० प्रतिशत कायम गर्न लघुवित्तले एफपीओ जारी गरेको हो ।