घट्यो सुनको मूल्य, कतिमा हुँदैछ किनबेच ?

काठमाडौं । नेपाली बजारमा आज सुनको मूल्य घटेको छ। नेपाल सुनचाँदी व्यवसायी महासंघका अनुसार आज सुन प्रतितोला एक हजार रुपैयाँले घटेको हो ।

महासंघका अनुसार आज छापावाल सुन प्रतितोला एक लाख ४९ हजार ६ सय रुपैयाँमा कारोबार भईरहेको छ। अघिल्लो कारोबार दिन सोमबार सुन प्रतितोला एक लाख ५० हजार ६ सय रुपैयाँमा कारोबार भएको थियो।

त्यस्तै आज चाँदीको मूल्य पनि ३० रुपैयाँले घटेको छ । महासंघका अनुसार आज चाँदी प्रतितोला १ हजार ७ सय ६५ रुपैयाँमा कारोबार भईरहेको छ । सोमबार चाँदी १ हजार ७ सय ९५ रुपैयाँमा कारोबार भएको थियो ।