बढ्यो सुनको मूल्य, तोलामा कति पुग्यो ?

काठमाडौैं । नेपाली बजारमा आज सुनचाँदीको मूल्य बढेको छ ।

नेपाल सुनचाँदी महासंघको अनुसार मंगलबार प्रतितोला १ लाख ४६ हजार ३ सय रुपैयाँमा कारोबार भएको छापावाला सुनको मूल्य बुधबार १ हजार १ सय रुपैयाँले बढेको हो । आज छापावाला सुन प्रतितोला १ लाख ४७ हजार ४०० रुपैयाँमा कारोबार भइरहेको छ ।

त्यस्तै आज तेजावी सुन प्रतितोला १ लाख ४६ हजार ७ सय रुपैयाँमा खरिदबिक्री भइरहेको महासंघले बताएको छ । आज चाँदीको मूल्य पनि १५ रुपैयाँले बढेको छ । आज चाँदी प्रतितोला १ हजार ८ सय ५ रुपैयाँमा कारोबार भइरहेको छ ।