उद्योग वाणिज्य महासंघ गण्डकीमा ‘चन्द्र ढकाल समूह’का कँडेलको प्यानलै निर्वाचित

काठमाडौं । नेपाल उद्योग वाणिज्य महासंघ गण्डकी प्रदेशको नेतृत्वमा नरेश कँडेल निर्वाचित भएका छन् ।

बागलुङ उद्योग वाणिज्य संघका निवर्तमान अध्यक्ष र गण्डकी प्रदेश समितिमा कार्यकारिणी सदस्य रहेका कँडेलसहित पदाधिकारी र सबै कार्यकारिणी सदस्यहरू छलफलबाट निर्विरोध निर्वाचित गरिएको हो ।

नवनिर्वाचित कार्यसमितिको उपाध्यक्षहरू एसोसिएट्सबाट सूर्यबहादुर भुजेल, वस्तुगतबाट हरिकुमार श्रेष्ठ र जिल्ला/नगरबाट मृगेन्द्र घिमिरे निर्वाचित भएका छन् भने कोषाध्यक्षमा राजेन्द्र ओझा निर्वाचित भएका छन् ।

यस्तै, सदस्यहरूमा रामचन्द्र रेग्मी (एसोसिएट्स), विमल प्रसाद रिमाल (जिल्ला/नगर), रामकुमार श्रेष्ठ (जिल्ला/नगर), दिपक प्रसाद सापकोटा (जिल्ला/नगर), ठाकुर वि. पौडेल (जिल्ला/नगर), हिरामणि पण्डित (वस्तुगत), काशी गुरुङ (एसोसिएट्स) र हस्त बहादुर खड्का (जिल्ला/नगर) निर्वाचित भएका छन् ।

गण्डकीमा सर्वसम्मत भएको नेतृत्व केन्द्रका वर्तमान अध्यक्ष चन्द्र प्रसाद ढकाल र हेमराज ढकालको समूहनिकट रहेको बताइएको छ ।

केन्द्रको साधारण सभा आगामी २९ र ३० गते तोकिएको छ । यहाँ अध्यक्ष चन्द्र प्रसाद ढकाल र वरिष्ठ उपाध्यक्ष अञ्जन श्रेष्ठले छुट्टाछुट्टै समूह निर्माण गरी निर्वाचन प्रचार–प्रसार गरिरहेका छन् ।