तीन दिनमा साढे चार हजार रूपैयाँले बढ्यो सुनको मूल्य, आज कतिमा हुँदैछ खरिद-बिक्री ?

काठमाडाैं । नेपाली बजारमा आज (बुधबार) सुनको मूल्य बढेको छ ।

सोमबार प्रतितोला चार सय रूपैयाँ, मंगलबार प्रतितोला दुई हजार एक सय रूपैयाँ र बुधबार प्रतितोला दुई हजार रूपैयाँ गरी यो पछिल्लो तीन दिनमा सुनको मूल्य प्रतितोला चार हजार पाँच सय रूपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ५४ हजार दुई सय रूपैयाँमा कारोबार भइरहेको छ ।

मंगलबार छापावाल सुन प्रतितोला एक लाख ५२ हजार दुई सय रूपैयाँमा कारोबार भएको थियो ।

यस्तै बुधबार चाँदीको मूल्य भने स्थिर छ ।

मंगलबार प्रतितोला एक हजार नौ सय २५ रूपैयाँमा कारोबार भएको चाँदी बुधबार पनि सोही मूल्यमा किनबेच भइरहेको हो ।