सुनचाँदीको मूल्य घट्यो

काठमाडौं । नेपाली बजारमा आज सुन तथा चाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ७०० रुपैयाँले घटेर एक लाख ३९ हजार ३०० रुपैयाँ कायम भएको छ ।

यस्तै, आज तेजावी सुनको मूल्य प्रतितोला एक लाख ३८ हजार ६५० रुपैयाँ कायम गरिएको छ ।

अघिल्लो दिन छापावाल सुन प्रतितोला एक लाख ४० हजार रुपैयाँ र तेजावी सुन प्रतितोला एक लाख ३९ हजार ३०० रुपैयाँमा कारोबार भएको थियो ।

यसैगरी आज चाँदीको मूल्यमा पनि सामान्य गिरावट आएको छ । हिजो बिहीबार प्रतितोला ६० रुपैयाँले महङ्गिएको चाँदीको मूल्यमा आज पाँच रुपैयाँले घटेर प्रतितोला एक हजार ८०० रुपैयाँ कायम गरिएको छ ।