नयाँ कीर्तिमान राख्दै वर्ष २०८१ लाई सुनको बिदाइ, २०८२ मा घट्ला कि बढ्ला ?

काठमाडौं ।बर्षकाे अन्तिम दिन आज नेपाली बजारमा सुनको मूल्यले नयाँ कीर्तिमान  कायम गरेकाे छ।

साताको पहिलो दिन आइतबार सुनको मूल्य हालसम्मकै उच्चबिन्दुमा पुगेर कारोबार भइरहेको हो ।

नेपाल सुनचाँदी व्यवसायी महासंघका अनुसार आइतबार सुनको मूल्य तोलामा १ लाख ८६ हजार रुपैयाँ कायम भएको छ । अघिल्लो कारोबारमा शुक्रबार सुनको मूल्य तोलामा १ लाख ८५ हजार रुपैयाँ कायम थियो ।

आज चाँदीको मूल्य पनि बढेको छ । शुक्रबार तोलामा १ हजार ९०५ रुपैयाँ कायम भएको चाँदीको मूल्य आइतबार बढेर तोलामा १ हजार ९६० रुपैयाँ कायम भएको महासंघले जनाएको छ ।