बुधबार १ हजार रूपैयाँले बढ्याे सुनकाे भाउ

काठमाडौं । आज बुधबार सुनको भाउ ह्रात्तै बढेको छ । आज प्रतितोला एक हजार रुपैयाँले बढेर छापावाला सुनको मूल्य १ लाख १ हजार रुपैयाँमा कारोबार भइरहेको छ ।

यहअघि हिजो मंगलबार प्रतितोला १ लाख रुपैयाँमा कारोबार भएको थियो ।

यस्तै तेजावी सुनको भाउ पनि १ हजार रुपैयाँले नै बढेर प्रतितोला १ लाख ५ सय रुपैयाँ प्रतितोलाको दरमा कारोबार भइरहेको छ ।

आज चाँदीको भाउ तालामा १० रुपैयाँले बढेर १४ सय रुपैयाँमा कारोबार भइरहेको छ ।