बिहीबार, वैशाख १०, २०८३
कर्पोरट खबर
3:27 pm, मंगलबार, माघ १६, २०८०
काठमाडौं । पाकिस्तानका पूर्वप्रधानमन्त्री इमरान खानलाई १० वर्षको जेल सजाय सुनाइएको छ।
उनलाई राज्यका गोप्य कुरा चुहाएको अभियोगमा १० वर्षको जेल सजाय सुनाइएको हो ।
विशेष अदालतले खानसँगै पूर्वविदेशमन्त्री शाह महमूद कुरैशीलाई पनि कूटनीतिक पत्राचार चुहावट गरेको अभियोगमा १० वर्ष जेल सजाय तोकेको छ।
कुरैशी खानको पाकिस्तान तारीख ए इन्साफ (पीटीआई) का उपाध्यक्ष पनि हुन्।
उक्त मुद्दा वाशिङ्टन र इस्लामाबादबीचको कूटनीतिक दस्तावेजसँग सम्बन्धित छ। ती दस्तावेजहरू आदानप्रदान हुँदा खान पाकिस्तानका प्रधानमन्त्री थिए।
खानले आफूविरुद्ध लगाइएको आरोप आफ्नो सरकारलाई ध्वस्त पार्ने अमेरिकी षड्यन्त्र भएको दाबी गरेका थिए। यसअघि इस्लामावादको उच्च अदालतले इमरान खानलाई तोशाखाना मुद्दामा पनि तीन वर्ष जेल सजाय सुनाएको छ।
