प्रहरीसँगको झडपपछि शिक्षक महासंघले बोलायो आकस्मिक बैठक

काठमाडौँ । प्रहरीसँगको झडपपछि नेपाल शिक्षक महासंघले आकस्मिक बैठक बोलाएको छ ।

आन्दोलनले उग्र रूप लिएपछि महासंघले आकस्मिक बैठक बोलाएको हो ।

महासंघले बैठक आज दिउँसो तीन बजे बानेश्वरमा रहेको रत्नराज्य माविमा  बाेलाएकाे छ । बैठकमा महासंघका पदाधिकारीहरू, जिल्ला अध्यक्षहरू, आन्दोलन परिचालन समितिका पदाधिकारीहरूलाई बोलाएको छ । बैठकमा आज भएको घटना तथा समग्र आन्दोलनका विषयमा छलफल हुने महासंघ जनाएको छ ।

नयाँ बानेश्वरमा प्रहरीसँग झडपपछि एक दर्जनभन्दा बढी शिक्षकहरू घाइते भएका छन् ।

नयाँ बानेश्वरमा निषेधित क्षेत्र तोड्न खोजेपछि प्रहरीले आन्दोलनरत शिक्षक तथा विद्यालय कर्मचारीहरूमाथि लाठी प्रहार गर्नुका साथै पानीको फोहोर हानेको थियो ।