महोत्तरीमा निर्घात कुटपिट गरेर श्रीमतीको हत्या, श्रीमान् फरार

जलेश्वर (महोत्तरी) । महोत्तरी गाउँपालिका-१, सोनुखडा गाउँमा महिलाको हत्या भएको छ ।

३६ वर्षीया रोशना खातुनलाई उनका पति ४५ वर्षीय हबिब नदाफले कुटपिट गरी हत्या गरेको प्रहरीले जनाएको छ ।

घरायसी झगडाका क्रममा हबिबले शनिबार रोशनालाई निर्घात कुटपिट गरेका थिए ।

समयमै उपचार नहुँदा उनको मृत्यु भएको प्रहरीको प्रारम्भिक अनुमान छ ।

रोशनाको शव परीक्षणका लागि प्रादेशिक अस्पताल जलेश्वर पठाइएको छ ।