आगामी पुस्तालाई सशक्त बनाउन एसबिआई बैंक न्यूरोडले गर्‍यो वित्तीय साक्षरता कार्यक्रम

काठमाडौं । नेपाल एसबिआई बैंक न्यूरोड शाखाद्वारा विश्व वित्तीय सप्ताह २०२४ को अवसरमा वित्तीय साक्षरता कार्यक्रम सम्पन्न गरेको छ ।

गत शुक्रबार डीएभी हायर सेकेन्डरी स्कुलमा ललितपुरमा उक्त कार्यक्रम सम्पन्न भएको हो । उज्जवल भविष्यको लागि आर्थिक ज्ञान र सीपद्वारा आगामी पुस्तालाई सशक्त बनाउने उद्देश्यका साथ कार्यक्रम गरिएको संस्थाले जनाएको छ ।

कार्यक्रममा नेपाल एसबिआई बैंक न्यूरोड शाखाको शाखा प्रबन्धक तेजबहादुर थापाले विद्यार्थीलाई प्रशिक्षण दिएका थिए भने कार्यक्रममा २०० भन्दा बढी विद्यार्थीको सहभागिता थियो ।

हरेक वर्ष मार्च महिनामा साताव्यापी रूपमा मनाइने ग्लोबल मनी वीकको यो बाह्रौँं संस्करण हो । नेपाल राष्ट्र बैंकको संयोजनमा सन् २०१३ देखि नेपालमा ग्लोबल मनी वीक मनाउँदै आइएको छ ।

हालसम्म विश्वका १७६ भन्दा बढी मुलकका करिब छ करोड बालबालिका, किशोरकिशोरी र युवाहरू लाभान्वित भएको जनाएको छ ।