प्रमोद खरेल स्वरांकित ‘बेग्लै खुसी’मा आकाश र करूणाको रोमान्स ( भिडिओ)

काठमाडौं । गायक प्रमोद खरेलको सुमधुर आवाजमा सजिएको ‘बेग्लै खुसी’ बोलको म्युजिक भिडिओ ओएसआर डिजिटल युट्युब च्यानलमा सार्वजनिक भएको छ। प्रेमिल शैलीको यस गीतमा रवि के अधिकारीको शब्दलाई राजेन्द्र वाइबा तामाङले संगीतबद्ध गरेका छन्। गीतको मिक्स र मास्टरिङ महेश्वरमान राजभण्डारीले गरेका हुन्।

भिडिओलाई आकर्षक बनाउन मेकअपमा समारा जोशी र क्यामेरामा दिनेश पराजुलीले साथ दिएका छन्। भिडिओमा करूणा श्रेष्ठ र आकाश श्रेष्ठले प्रेमिल जोडीको भूमिका निर्वाह गरेका छन्। भिडिओले विशेष रूपमा प्रेम सम्बन्धमा आउने उतारचढाव र सँगै बिताएका रमाइला क्षणहरूलाई प्रस्तुत गरेको छ, जसले प्रेमको गहिराइलाई दर्शाउँछ।

चनु थापा निर्मात्री रहेको यस भिडिओलाई निर्देशक निकेश खड्काको उत्कृष्ट निर्देशनमा तयार पारिएको हो। भिडिओको सम्पादन विकास धमलाले गरेका हुन्। यो म्युजिक भिडिओले धेरैको मन जित्ने अपेक्षा गरिएको छ। निर्माण टिमले सबैलाई हेरेर सुनेर प्रतिक्रिया दिन सबैलाई आग्रह गरेका छन्।

हेर्नुहाेस् भिडिओ-