शनिबार, जेठ १७, २०८२
कर्पोरट खबर
9:48 am, शुक्रबार, जेठ १६, २०८२
काठमाडौं । इङल्याण्डले वेस्ट इण्डिजविरुद्धको एकदिवसीय सिरिजमा विजयी सुरूआत गरेको छ । गएराति सम्पन्न खेलमा इङल्याण्डले वेस्ट इण्डिजलाई २३८ रनको फराकिलो अन्तरले पराजित गरेको हो ।
इङल्याण्डले दिएको ४०१ रनको लक्ष्य पछाएको वेस्ट इण्डिज २६.२ ओभरमा १६२ रन बनाएर अलआउट भएको थियो ।
वेस्ट इण्डिजका लागि जयदेन सिलसले सर्वाधिक २९ रन बनाए भने कप्तान शाइ होपले २५, किची कार्टीले २२ रन बनाएका थिए । त्यसैगरी, इङल्याण्डका बलर सकिब महमूद र जामी ओभरटनले ३–३ विकेट लिएका थिए । त्यस्तै, आदिल रसिदले २ तथा ब्रिडोन कार्स र जाकोब बेथलले एक एक विकेट लिए ।
यस अघि टस हरेर पहिला ब्याटिङ गरेको इङल्याण्डले ५० ओभरमा ८ विकेट गुमाउँदै ४०० रन बनाएको थियो ।
इङल्याण्डका लागि जाकोब बेथेलले सबधिक ८२ रन बनाएका थिए भने बेन डकेटले ६०, कप्तान ह्यारी ब्रुकले ५८, जो रुटले ५७. विल ज्याकले ३९, जामी स्मिथ र जोस बटलरले ३७–३७ रन बनाएका थिए ।
त्यस्तै, वेस्ट इण्डिजका बलर जयदेन सील्सले सर्वाधिक ४ विकेट लिए भने अल्जारी जोसेप र जस्टिन ग्रीभ्सले २–२ विकेट लिए ।
यो जितपछि इङल्याण्ड ३ खेलको एकदिवसीय सिरिजमा १–० ले अगाडि भएको छ । अब सिरिजको दोस्रो खेल आइतबार हुने छ ।
FACEBOOK COMMENTS