सहकारी ठगी प्रकरणः रवि लामिछानेलाई केही समयमा भैरहवा लैजान

काठमाडौं । सहकारी ठगी प्रकरणमा पक्राउ परेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई भैरहवा लैजाने तयारी गरिएको छ ।

शुक्रबार राति पक्राउ परेका लामिछानेलाई जिल्ला प्रहरी परिसर, काठमाडौंको हिरासतमा राखिएको थियो । हिरासतबाट निकालेर त्रिभुवन विमानस्थल पुर्‍याइ सकेको छ । उनलाई विमानमार्फत भैरहवा पठाउन लागिएको हो ।

रास्वपा सभापति रवि लामिछानेलाई तुलसीपुर उच्च अदालतको बुटवल इजलासले शुक्रबार थुनामा पठाउन आदेश दिएको थियो । शुक्रबार राति प्रहरीले बूढानीलकण्ठस्थित निवासबाटै उनलाई नियन्त्रणमा लिएको थियो ।

बुटवलको सुप्रिम सहकारी प्रकरणमा जिल्ला अदालत रुपन्देहीले उनलाई एक करोड धरौटी माग गरेको थियो । उक्त आदेश उल्ट्याउँदै उच्चले थुनामा पठाउने आदेश गरेको हो ।